20 ára afmælisárið tekið með stæl

Árið 2025 markaði tímamót í sögu HD-CICE því klúbburinn fagnaði 20 ára afmæli.

Stærsti viðburður ársins var þegar við héldum Landsmót bifhjólafólks á Varmalandi. Þangað komu saman mótorhjólatöffarar hvaðan æva af landinu. Veðrið lék við okkur og stemmningin var rafmögnuð.

Á árinu hélt klúbburinn áfram að vaxa og dafna, og fjölmargir nýir meðlimir bættust í hópinn. Það er ánægjulegt að sjá hversu margir vilja vera hluti af samfélaginu okkar. Samfélagi sem stendur fyrir vináttu, sameiginlegri ástríðu og endalausu stuði.

Klúbburinn tók í notkun sitt fyrsta klúbbhús í Hafnarfirði. Þetta er áfangi sem hefur lengi verið draumurinn, og nú loksins eigum við okkar eigin heimavöll. Þar sem við getum hist, skipulagt starfsemina og notið þess að vera saman. Þetta hefði ekki verið hægt nema fyrir samtakamátt klúbbameðlima sem hafa lagt mikið af mörkunum til að gera heimavöllinn okkar glæsilegan.

Afmælisárið hefur þannig verið bæði stórt og eftirminnilegt. Við horfum spennt fram á næstu 20 ár, full af gleði, brölti, brasi og endalausum ævintýrum.

Á þessum tímamótum er vert að þakka öllum þeim sem hafa tekið þátt í því að halda klúbbnum okkar lifandi. Sendum hugheilar kveðjur til allra fyrrum meðlima klúbbsins og bjóðum áhugasama velkomna.

Ride safe – ride free!

© Mynd Gísli Kjaran Kristjánsson

Tilkynning

Ný stjórn HDC-ICE var kosin á aðalfundi Harley Davidson klúbbsins árið 2025.

Stjórnina skipa:
Heiðar Valur – forseti
Gunni Joker – varaforseti
Ólafur Geir – gjaldkeri
Stefán Páll – ritari