– Stofnaður í september 2005 –

1. Nafn, tilgangur og varnarþing
   1.1 Nafn: Nafn klúbbsins er Harley-Davidson Club Iceland, skammstafað H-DCICE.
   1.2 Tilgangur: H-DCICE er áhugaklúbbur með það markmið að gæta hagsmuna
   íslenskra Harley-Davidson og Buell eigenda, gagnvart yfirvöldum og öðrum
   utanaðkomandi aðilum. Klúbburinn skilgreinir sig sem RC (Riding Club) og er
   óháður allri MC klúbbapólitík. Tilgangi sínum hyggst klúbburinn ná með
   samvinnu við samnefnda klúbba í Evrópu sem eru félagar í FH-DCE, Federation
   Of Harley-Davidson Clubs Europe
   1.3 Heimili og varnarþing: Heimili og varnaþing klúbbsins er í Reykjavík.
2. Umsókn, aðild og brottrekstur
   2.1 Umsókn: Umsókn um aðild sendist til stjórnar sem tekur hana fyrir og afgreiðir á
   næsta stjórnarfundi. Með umsókn um aðild þarf að fylgja með skráningarnúmer á
   hjóli viðkomandi. Fullgildur meðlimur telst sá/sú sem hefur fengið samþykki
   stjórnar og greitt árgjaldið.
   2.2 Aðild að klúbbnum eiga allir sem eru eldri en 18. ára og eru eigendur eða
   umráðaaðilar að Harley Davidson eða Buell mótorhjólum.
   2.3 Brottrekstur: H-DCICE tekur enga ábyrgð á meðlimum sínum og hegðun þeirra.
   Stjórnin getur neitað fólki um aðild og vísað fólki úr klúbbnum ef hegðun þess
   hefur á einhvern hátt skaðað klúbbinn. Í slíkum tilfellum skal viðkomandi fá
   upplýsingar um málið og hafa möguleika á að andmæla á næsta aðalfundi. Öll
   stjórnin þ.e.a.s. forseti, varaforseti, gjaldkeri og ritari verða að vera sammála um
   brottrekstur í slíkum tilfellum. Brottreknir meðlimir hafa ekki kröfu á
   endurgreiðslu félagsgjalda né aðra fjármuni klúbbsins.
3. Aðalfundur
   3.1 Aðalfundarboð: Aðalfundur klúbbsins skal vera haldin fyrir 1. febrúar ár
   hvert. Boðað skal til aðalfundar til félagsmanna með minnst 14 daga fyrirvara.
   3.2 Atkvæðisréttur: Atkvæðarétt á aðalfundi hafa eingöngu fullgildir meðlimir.
   Aðeins fullgildir meðlimir sem greitt hafa árgjaldið árið áður geta setið
   aðalfund og eiga atkvæðisrétt á honum. Notkun bakmerkja sem tilheyra öðrum
   klúbbum/samtökum en H-DCICE eru bönnuð á aðalfundi og aukaaðalfundi.
   3.3 Stjórn klúbbsins er kosin á aðalfundi. Í stjórn H-DCICE skulu vera 4 fullgildir
   meðlimir. Forseti er kosinn sérstaklega, síðan 3 stjórnarmenn og næst skulu
   kosnir 2 varamenn. Forseti, stjórnarmeðlimir og varastjórn eru kosnir ár hvert
   og sitja fram að næsta aðalfundi.
   3.4 Lagabreytingar: Tillögur að breytingum á lögum klúbbsins skal skilað inn
   skriflega til stjórnar sem tilkynnir þær til félagsmanna ásamt dagskrá amk 7
   dögum fyrir aðalfund.
   3.5 Dagskrá aðalfundar skal vera eftirfarandi: (Gildir ekki um aukaaðalfund.)
4. Fundur settur
5. Fundarstjóri og fundarritari kjörnir
6. Skýrsla stjórnar
7. Reikningar félagsins lagðir fram
8. Lagabreytingar
9. Ákvörðun árgjalds
10. Kjör stjórnar og varamanna
    a) Kjör forseta.
    b) Kjör 3ja stjórnarmanna.
    c) Kjör 2ja varamanna.
    8.Önnur mál.
11. Fundi slitið
12. Aukaaðalfundur
    4.1 Stjórn félagsins skal boða til aukaaðalfundar ef þörf krefur eða ef 1/3 fullgildra
    meðlima óskar þess skriflega til stjórnar. Skal hann boðaður á sama hátt og
    aðalfundur. Aukaaðalfundur hefur sama vald og aðalfundur. Á aukaaðalfundi
    skulu aðeins tekin til umfjöllunar þau mál sem koma fram í fundarboði.
13. Verkaskipting, stjórnarfundir og dagleg umsjón
    5.1 Verkaskipting: Á fyrsta stjórnarfundi eftir aðalfund skal stjórn skipta með sér
    verkum og ákveða hverjir af 3 kjörnum stjórnarmönnum verði varaforseti,
    ritari og gjaldkeri.
    5.2 Stjórnarfundir: Stjórnarfundir eru haldnir eftir þörfum, þó minnst fimm
    sinnum á ári. Stjórn getur aðeins tekið ákvarðanir fyrir hönd klúbbsins ef allir
    meðlimir stjórnar eru á stjórnarfundi og meirihluti hennar samþykkir þær. Falli
    atkvæði jöfn hefur forseti oddaatkvæði. Í fjarveru stjórnarmeðlims skal boða
    varamann á stjórnarfund og hefur hann fullan ákvörðunarrétt. Fundargerðir frá
    stjórnarfundum skal sendast til allra stjórnarmeðlima ásamt varamönnum.
    Fyrir utan venjulegan rekstrarkostnað, verða allar fjárhagslegar ákvarðanir yfir
    10.000,- kr að samþykkjast á stjórnarfundi.
    5.3 Dagleg umsjón og vinnuhópar: Daglega umsjón klúbbsins annast forseti.
    Stjórn getur skipað vinnuhópa eftir hentugleika t.d. varðandi einstaka viðburði
    á vegum klúbbsins, varðandi kynningarmál ofl. H-DCICE skal halda amk eina
    samkomu ár hvert fyrir meðlimi sína.
14. Reikningsár, félagsgjöld og ráðsstöfun eigna félagsins
    6.1 Reikningsár: Reiknisár félagsins er almanaksárið.
    6.2 Árgjald: Eindagi árgjalds er 1. febrúar ár hvert en aðalfundur ákveður
    upphæðina. Meðlimir sem ekki hafa greitt árgjaldið fyrir 1. mars eru ekki
    lengur fullgildir meðlimir.
    6.3 Ráðstöfun eigna: Verði rekstrarafgangur af starfsemi liðins árs skal honum
    varið til að byggja upp starfsemi klúbbsins. H-DCICE er eingöngu hægt að
    leggja niður ef ¾ er sitja aðalfund klúbbsins kjósa um það. Allt fjármagn
    klúbbsins rennur þá til góðgerðarstarfsemi í þágu barna.
15. Merki félagsins